"Koi yateem na ho" : By - Irfan Nasirabadi

meri tarah mere baba ,koi yateem na ho
hui hai jai se sakina, koi yateem na ho!!
                     *

yateem ho ke yatimi ka dard samjha hai
ye gham saha nahi jata ,koi yatim na ho!!
                     *


suna tha log yatimon se pyar karte hain
main bad nasib hun baba,koi yatim na ho!!
                     *

koi to sar pa muhabbat se hath rakh deta
koi to deta dilaasa, koi yateem na ho!!
                    *

na aap aate hain baba na mout aati hai
azaab ho gaya jeena, koi yatim na ho!!
                    *

mujhe yatimi ka ehsaas yeh dilaata hai
mera fata hua kurta,koi yateem na ho!!
                    *

juda na ho kabhi *irfan* baap, beti se
uthe na baap ka saya, koi yateem na ho!!

by- Irfan nasirabadi